Bome pome

Asi bome pome
ndi bome pome
Ndi lunzienzie ali lali
Ndi khangala khanyise
Ndi lumbile mbile ya Nevondo
Ine u viiwa ya beba mbilanana

Vhanwe vhe ndi Magupta
Vhanwe vhe musetsho u Nkandla
Hupfi asi zwone ndi Duduzane
Vhanwe vhe ndi Gigavha

Ho sala bome pome
Na vho Ramaphosa avha zwikoni
Wotsa na bada, muthelo wo ya
Wo swiswinwa ro sedza

Ho sala bome pome
Vhanwe vhe ndi ANC
Minwe i sumba i songo sumba
Ha sumba na ya vhaloi

Khea mabunyu
Asi hevhe hevhe ndi hevhe hevhe
Vhaamba vha sa fhedzi
Ho nwalwa na zwirendo
Hu imbwa na dzinyimbo
Hone vhungoho he ndi bva vhubvo
Ndi bome pome