Kenny Motsamai

1994 ndi muloro we wasi wedze
Ndi kungumutavha ye ya mela thavha
Vhavhi vho vhofholowa
Ngeno vha lwelwa mbofholowo vha tshe ngeo

Naa ndi mini tshe Mandela ari nea?
Ngeno vhusiwana vhutshe ho toka midzi
Na muvhala waho u wonoyu washu
Izwi arongo fhurwa?

Ro zwifhelwa
Vho Kenny Motsamai vha gai?
Vha tshi felani?
Na 1994 ndi mini?

Vha vhofhololeni!!!

Pfene na Thoho

Pfene na thoho
Ahuna ano sea munwe
Zwothe ndi makovhi
We mbifho
Ndi musi u songo di sedza

He iwe Pfene
Lukovhi ndi lwa mini?
Arali u nyalunako?

U tshi sea thoho ndi mini?
U tou shaya na muvhudzi naa?
Au vhudze u di sedze

Petrus Steyn

Huna muri govhani la Petrus Steyn
Athi divhi ndi muvhula kana ndi mini?
Fhedzi Elizabeth o edela henefho
Asi muri fhedzi ndi murunzi
Vha dzulaho fhasi hawo vho khuda
Vho dzula murunzini wa lufuno
Lwavho lufuno ndi lu sa gumi
A lu divhi lufu sa mudi wa Petrus Steyn
Nangwe ha da gomelelo
Ha pala khwali
Lwavho lufuno lwo toka midzi
Sa muri govhani la Petrus Steyn

Shango

Na wo putani
Tshine wa vhanda tshandani
Khe ndi sa vhoni tshithu
U muthu de asina tshawe
U ngwaniwapo nemashango
Vhauda vho da vha u wana
Fhedzi naasi wo sala fhedzi
Shango vho dzhia
Sa vhurotho vho govhedza
Ho sala u ngolidza mato
Khea avhonga sa a dzwirigondo
U tou kundwa na murunzi zwawo
Na lau ifa ndi lifhio?
Line wa do kovhela mazhinda au
Ngau ahuna tshe wa puta
Shango ndi la mabunyu
Vho da vha wana lo lala
Naasi ni vhalanda
Kani ha ndi khofhe tshidele
dze na ededzwa nga yone bugu khethwa
Ye vha da vho i fara nga tsha u la
tsha monde tsho dzumba zwidigi
Vha i vhala vhatshi tou suvha
Na rembuluwa dzi mbilu
Vhone vha sala vho fara shango
Ngazwo ndala dzi sa fheli
Gomelelo li sa tuvhwi
Vho sinyalala vhafhasi vha khou lila
Zwe shango la tou minulwa no sedza